張嘉兒珍寶班戟啱慶生
前港姐冠軍張嘉兒識飲識食，日前她到旺角品嘗美食。當她甫進店內，已被不同種類的櫈吸引着，她說：「嗰度啲櫈好大張，好似堡壘入面嘅櫈一樣，同埋嗰度位置好闊落！」
當天大廚為嘉兒預備了三款食品，分別為黑松露卡邦尼蛋汁煙肉飯、美式燒原條豬仔肋骨配薯菜沙律和珍寶巨型生日班戟。見到美食當前，嘉兒即時食指大動，她說：「呢個飯冇令我失望，忌廉唔多但粒粒飯都有，非常均勻！而豬仔肋骨就色香味俱全，又唔太肥，食落去有鬆軟嘅感覺！至於個生日班戟就非常有創意及新鮮感，仲好大盆，完全冇偷工減料！我覺得下次有朋友生日，可以唔使買生日蛋糕，用呢個嚟代替。」
嘉兒性格活潑開朗，喜歡認識來自不同地方的朋友，所以閒時都會相約一齊聚會。她說：「我平日好鍾意約啲朋友出嚟傾偈，其實我對樓上cafe唔太熟悉，今次真係一個新發現！」
場地：Pancake Colours Cafe & Bar
髮型：Just Ko@Sigo