姚樂怡 0℃浪漫吹唔甩

準新娘姚樂怡還有不足10天便與圈外男友吳俊匡（Alan）拉埋天窗，為了於漫天櫻花下拍攝婚照，二人原定上月尾到京都拍攝，惟今年的櫻花遲遲未開，令樂怡一度非常擔心，要延期至四月初才到當地拍攝：「一來要等日本當局公布櫻花開嘅日子先可以訂機票，二來又正值復活節好難訂機位，所以惟有提早幾日去，先去東京吃喝玩樂，最後一日先去京都影相！」

美人美景襯托下，姚樂怡與Alan可謂襯到絕。	雖然天氣寒冷，但愛美的姚樂怡仍「頂硬上」拍攝。	經重重難關，姚樂怡與未來老公終拍下靚靚婚照。

幸天公作美

樂怡透露於到達日本後翌日，即遇上當地自1959年最強的烈風侵襲，她憶述：「我從來都未見過咁強嘅暴風雨，喺條街度會被吹住走，所以我哋成日都留喺室內唔敢出去！」她又透露當時非常擔心拍不成，幸二人到京都拍攝時天公作美：「不過我哋喺海邊拍攝時氣溫接近零度，真係好凍！」

重回求婚地

愛美是女人的天性，樂怡為了以最佳姿態拍攝婚照，故一早定下目標要在拍攝前減去13磅，結果卻只減得7磅，她笑說：「原本計好可以達標o架，但因為延遲咗拍攝，又喺東京食咗太多美食，結果就打回原形，好彩出嚟嘅相都唔覺得太肥。」她又透露選擇在當地拍攝的原因，除了覺得櫻花感覺浪漫外，Alan亦是在日本求婚，故對二人來說更有意義：「拍婚照係一生人一次，一定要將美好回憶拍低。」

文：影視組