基仔全裸合照 等「老婆」點頭

古巨基、林子祥（阿Lam）、葉蒨文（沙麗）及內地藝人胡軍昨日出席聯合國推動世界和平活動，基仔成為首位香港歌手獲大會頒發「聯合國親善大使」，基仔多謝一眾評審：「因為要將資料Send去聯合國總部，其實私下做好多探訪、捐錢同助養。」已成立「古巨基兒童醫療基金」的基仔每年都會出書籌款，並將善款捐給有需要的機構。

沙麗透露將於九月舉行演唱會。	阿Lam唱歌唱到握實拳頭。	胡軍來港出席世界和平活動。

提名世青順其自然

基仔於05年榮獲「十大傑出青年」，問到有否想過參選「世界傑青」？基仔說：「有人想提名，不過順其自然，詳細仲未知。」他強調做慈善是發自內心，並不是要奪甚麼獎及銜頭，他說：「身為演藝工作者，想善用身份去影響別人。」基仔以「勁靚」大讚黃貫中與女友朱茵的「全裸」合照，問他夠不夠膽與「老婆」影全裸相？他笑說：「老婆認為有信心，咁有愛嘅相，我樂意影。」

沙麗阿Lam前後腳

另外，阿Lam與沙麗前後腳到場，由於沙麗將於九月舉行演唱會，問到Lam會否做嘉賓？他說：「唔一定。（搵囝囝林德信做？）都可以。」阿Lam踢爆囝囝不懂修剪鬍鬚，他說：「佢依家冇鬚感覺乾淨，佢唔同我，我日日修剪。」而沙麗坦言近日不停打波練氣，她說：「打到啲波友攰晒，有次跳完舞半夜起身去廁所腳軟，中醫師都話我好攰。」相隔八年再開騷的沙麗坦言緊張，她說：「一、兩場已經好開心。（搵林德信做嘉賓？）佢係Rock N Roll，而我呢這方面唔係好掂。」

採訪：音樂組