霍啟剛郭晶晶 掃背晒恩愛

國寶級「跳水公主」郭晶晶與霍震霆長子霍啟剛拍拖逾7年,盛傳兩人婚期定於今年10月。隨着婚期將至,過往拍拖避忌的兩人兩人突然高調,昨日穿黑色情侶裝結伴出席活動,霍啟剛更肉緊地扶實晶晶玉背進場,霍家準新抱地位得到確認。

郭晶晶與霍啟剛拍拖逾7年,期間頻傳婚訊,盛傳婚期定於10月,在亞洲博覽館筵開600圍酒席宴客。不過,亦有傳因為霍家爭產事件令婚期押後。隨着婚期將至,晶晶近日頻頻來港籌備婚禮作準備。過往晶晶或啟剛只會各自出席活動,但自去年底啟剛帶晶晶來港出席一個國家體操級賽事後,兩人似乎已習慣「夫妻檔」示人。

冇拖手默契十足

昨晚約七時許,兩人穿情侶裝結伴出席時裝晚宴。身穿黑色連身裙、手執粉紅色clutch的晶晶打扮優雅,啟剛則穿上黑色中式套裝,非常合襯。現場所見,啟剛清減不少,似為結婚保持最佳狀態。兩人抵埗後大方任記者拍照,雖然兩人沒有拖手,但表現甚有默契,拍照後同步進場,啟剛更用手輕扶晶晶玉背。問到有關婚事時,啟剛邊行邊笑說:「入咗去先。」兩人逗留個多小時,至晚上8時25分離開。

許鞍華接受批評

一眾名人施南生、許鞍華、諸葛紫岐及老公薛嘉麟、星級髮型師Kim Robinson以及莊家彬等亦有出席晚宴。許鞍華透露今日會到北京出席電影節,對於爾冬陞指金像獎太感性不專業,許鞍華說:「有啲覺,我估佢泛指金像獎幫香港電影,有啲感情分。雖然我係受益者,好多謝,都要檢討一下,大家分享意見。(戥劉青雲唔抵?)一個獎得一個人攞,一定各有擁躉,唔愉快講出嚟,講出嚟就冇事。」

此外,晶晶今日以海洋保育大使身份,出席海洋公園保育基金的慈善晚宴。一直與水結緣的她,對海洋動物特別有感情,故十分支持推廣愛護海洋動物。

文:名人組