李詩韻讚「男友」 夠真夠爽

鄭嘉穎被指態度傲慢遭冼灝英插爆，在《拳王》中一眾女演員卻力挺嘉穎為人，於劇中演嘉穎女友的李詩韻反而讚他夠真夠爽：「我冇見過佢兩個有拗撬，大家有意見都係為件事好，我接觸過嘅嘉穎一啲都唔寸，反而性格好真好爽，我哋仲可以做到真正嘅朋友。（冼灝英鬧爆？）我唔信佢會咁講！」
李詩韻力撐嘉穎一啲都唔寸。
李詩韻力撐嘉穎一啲都唔寸。

唐詩詠則表示劇中如此多拳手，大家拍攝過程已很辛苦，應該再冇氣力拗撬。對於嘉穎自我、自大之說，唐詩詠謂：「我冇聽過，每個演員都要有主觀態度，演員係需要自我，唔覺嘉穎會將呢啲情緒發洩去其他人身上。」而為劇集客串的徐子珊，昨日她在電話中說：「會唔會係言語上誤會？我識嘉穎咁耐，我知佢係咩性格嘅人，佢係比較率性啫！」

唐詩詠不覺嘉穎會將情緒發洩在其他人身上。
  • 唐詩詠不覺嘉穎會將情緒發洩在其他人身上。
徐子珊不信嘉穎自我、自大。
  • 徐子珊不信嘉穎自我、自大。