馬德鐘自問冇感情缺失
藝人馬德鐘前晚與太太張筱蘭拍拖出席「仁濟醫院董事局就職晚宴」，透露早前一家到馬國旅行，問是否太多負面新聞故與太太旅行贖罪？他說：「一家人去旅行好正常。（有冇感情缺失？）梗係冇。」問馬太認為馬德鐘是否百分之百好老公？她即維護老公：「我都唔係百分之百，仍有好多嘢改進。（做『跟得』太太？）唔係，想多啲時間陪屋企人，一家人時間過咗去就冇得返轉頭。」
陳寶珠妹妹陳寶儀也到場支持，對於女兒羅苡之與前港男陳志健宣布訂婚大感高興，但坦言未來女婿在事業方面仍有進步空間：「佢對我個女都有80分，但係一段婚姻唔易維繫，（自己係過來人？）年代唔同，白頭到老要好努力。」她拒絕回應現在是否單身，並轉話題謂如女兒生孫女會「霸住湊」。
