Gobby突然避鏡編導發老脾
《盛女愛作戰》掀起全城熱話，無綫前晚錄影特輯《盛女駕到》，事前表明邀請傳媒到錄影廠採訪，臨「開波」前卻改變初衷，只給記者十五分鐘與參賽者Gobby做訪問，拍照時Gobby突然「發難」衝上觀眾席避開鏡頭，此時《盛女》編導岑應更當眾發脾氣，喝罵記者「嚇親」Gobby。
記者不得要領，監製衞世輝出來調停說：「Gobby係普通人，佢情緒上覺得唔舒服。（唔係溝通好先叫記者咩？）係，但估唔到大家咁熱情，一下子接受唔到。」對於岑應的不禮貌舉動，衞世輝說沒有目擊：「可能嗰一剎那大家有衝突，我代佢道歉囉。」不過岑應玩失蹤，由始至終未有蒲頭認錯。
