祖兒盛女待售 相睇試愛

無綫節目《盛女愛作戰》熱播，不少網友狂插節目搵人做媒、扭曲男女價值觀及硬銷整容與人生訓練課程，但愈鬧收視愈好，連樂壇天后容祖兒亦有追看。

單身貴族的祖兒前晚出席活動時更自認盛女：「我同個修甲師傾開，話內容好似講緊我哋咁。（包括你？）應該包括。（你係剩女？）點叫剩先，冇拖拍咪冇拖拍囉！個名咁肉酸，我係待售，仲好樂觀有期望，希望在明天。」

小儀自封「性女」，有男人性「精」的就啱晒。

譚詠麟

祖兒笑言若無綫再炮製此節目也不怕參加，並接受相睇搵伴：「我都想試吓！節目入面啲治療師講嘢幾窩心，我都想知自己有咩要改進嘅地方。」

阿倫：邊睇邊笑

另一剩女、電台主持小儀則表明不會參與節目：「藝人參加會太假，依家幾個女仔係普羅大眾，好真實，我做就畀人感覺好假，佢哋做好睇，我怕我拍會冇收視。」語出驚人的小儀又自封「性女」：「不過未夠性史，要努力儲。（擇偶條件？）有男人性『精』就得！我好主動同好進取。」

樂壇校長譚詠麟（阿倫）前晚亮相無綫節目時揚言有睇《盛女》，他戥節目中的男士不值：「有個女仔（Bonnie）好似阿邊個吖嘛！（錢嘉樂？）佢係靚版錢嘉樂，其實外地都有類似節目，最緊要搵啱人。（一路睇一路鬧？）係一路笑，有啲眼角太高喇！不過啲男仔先慘，畀人評頭品足。」

至於男藝人周俊偉則在微博鬧爆節目荼毒下一代，並認為是一場「騙局」：「導師與盛女們請你們及早求醫，停止散布你們的愚昧無知。」

文：影視組