樂瞳初吻獻「家明」

無綫小花樂瞳在劇集《當旺爸爸》中飾演任性妹丁，除了演技被讚有進步外，她更獻出螢幕初吻予「家明」張景淳。當日兩人在圖書館拍咀戲，樂瞳笑言是「清純之吻」，但因太熟落而難免尷尬：「都唔係濕吻激咀嗰啲，反而好好笑！（緊張？）冇呀！投入咗，只係諗點做好啲，好似家明仲緊張啲喎！（點準備？）當日好早拍，都唔敢飲咖啡怕有味。」張景淳亦一樣寧願捱餓，也不敢進食怕有口氣，問到奪取樂瞳的螢幕初吻，有否擔心被宅男圍攻？他說：「唔怕！我哋演得認真，觀眾都會認真看待，希望令人睇得舒服。」