區瑞強 黑加侖子開騷

靚聲王區瑞強本月27日於伊館舉行三場卅五周年演唱會，他說：「我唔係五年開一次騷嘅人，呢卅五年對我嚟講係個好重要嘅階段。好似我經歷好多歌、遇到好多唔同嘅人，仲有我做咗十二年嘅電台節目《2000靚歌再重聚》，都係我卅五年嘅三分之一，真係好有意義！」
區瑞強
區瑞強

演唱會會有三位神秘嘉賓「黑加侖子」，區瑞強說：「我哋識咗同合作卅幾年，平時私下都會一齊。」其實不難猜測，李克勤、譚詠麟及林子祥呼之欲出啦。