林欣彤帶病錄歌被趕
歌手林欣彤（Mag）昨日出席作曲人鄧智偉作品展記者會，她自爆有次灌錄歌曲因聲沙遭對方趕走，鄧智偉即扮傻以「係咩」遮掩尷尬，Mag為免他難落台即補鑊說：「佢都係為我好。」
無綫音樂總監鄧智偉將於5月舉行兩場作品展，昨日他舉行記者會，Mag與許廷鏗、HotCha及莊冬昕撐場，黃宗澤則因病缺席，身為無綫製作資源部總監的樂易玲遲到一小時，要主角、主辦單位及嘉賓呆等，被指是樂易玲愛將的鄧智偉，獲她及主辦商林建名送上一張來回頭等機票作鼓勵。
自爆瘀事
Mag在台上自爆有次帶病錄音，唱了一句即被鄧智偉趕走，他竟扮傻說：「係咩？」氣氛尷尬，要司儀打圓場。知衰的Mag接受訪問時即轉口風，大讚對方體貼：「係我把聲沙，佢想我休息吓，佢都係為我好。」由於布景板將許廷鏗錯寫為許「鋌」鏗，他承認經常被人寫錯名及認錯他與哥哥。記者笑指他去年被拍得與男仔在公園「咀嘴」大可扮是其兄，許廷鏗說：「咁又唔可能賴人。」
黑面寸嘴
對於作品展的logo與填詞人黃偉文早前舉行的作品展logo八成相似，鄧智偉黑面說：「我同佢唔同，我呢個係party。」他表示舉行作品展是樂易玲意思，即被取笑「愛將」，他說：「唔知！」由於他曾被藝人周永恒數臭兼遭ICAC邀請協助調查，鄧智偉說事件已告一段落，作品展會否邀周永恒獻唱及睇騷？他再次黑面兼寸嘴說：「屋企人都未知有冇飛。」
文：音樂組