文詠珊男友藏小三即撇

「小三」一詞時有所聞，如果情人出軌了，應該如何自處？外籍女模Alice B.與名媛何倍倩屬於激進派，會選擇殺死對方，陳敏之就更絕，要男友嘗試男人最痛，果然得罪女人無好下場。外表柔弱的文詠珊則是冷靜型，寧願選擇及早抽身，冇得翻身，所以男人千祈咪出軌！

文詠珊：早走早着唔留戀

「我會早走早着，起碼早見到呢個情況，會畀自己一個警惕，會令自己清楚明白，快啲抽身！」

何倍倩：殺完佢再自殺

「我會殺咗佢，然後再自殺！當然會問番佢詳情先，如果佢認，我會殺咗佢！」

熊黛林：原則問題

「如果對方咁做，我會接受唔到，呢個係原則問題，但會先講清楚再分手。」

陳敏之：斷佢子孫

「我會剪咗佢囉！咁樣係最快懲罰佢嘅方法，等佢咁曳啦？一於幫佢做太監！」

莊思敏：一定分手

「如果係我就唔使諗，一定會分手！不過我會搵番真相，嘗試了解原因，但以我性格就一定會分手。」

白歆惠：會畀一次機會

「我首先會檢討自己做錯咗乜，試吓改，如果情況冇改善，我就會分手。第一次犯就會畀機會佢，但唔會有第二次。」

Alice B.：寧扮唔知

「如果我真係鍾意佢，而佢又收得好保密，我諗我會扮唔知。不過如果佢做到出晒面，咁我一定會殺咗佢！」

姚予晴：愛情要平等付出

「一定會分手，但係我會好平心靜氣咁問佢，了解番成個過程。因為我覺得愛情係要雙方平等付出。你有另外一個，就即係等於放棄咗我。」

諸葛紫岐：冷靜處理

「我首先會問佢，睇佢自己點處理，會先了解下佢嘅心意，再決定原唔原諒佢，如果佢係唔小心先發生呢件事，咁大家就Set up番段關係。」

馬詩慧：畀佢選擇

「我會問清楚佢，畀佢選擇，一係留，一係走。我仲畀機會佢，係因為我仲留戀，仲覺得值得。不過都要睇佢表現，如果佢變番正常咁就OK。」

Cara G.：接受一夜情

「雖然我會好唔開心，但係我都會同佢分手，我都會搵第二個更加好嘅。不過如果佢好誠心認錯，我都可能會原諒佢。但都要睇情況，如果只係一夜情會好啲，但如果係成日都約會，即係投放咗感情入去嘅，咁我就接受唔到。」