高鈞賢鬥波學生妹最冧
一班無綫男藝員包括高鈞賢、翟威廉、黎國輝（阿感）、許家傑及陳偉洪前日下午以自組籃球隊「Hero」名義與中學生對賽，當中以高鈞賢最受學生妹歡迎，獲排長龍握手及索簽名，他憶起於加拿大讀書時被女仔暗戀的片段：「我嗰時有架車，架車身有塵，點知個女仔用手指喺啲塵度寫咗句『I Love You』，但唔小心刮花咗架車，搞到我有啲嬲！」
而黎國輝（阿感）就想擴充籃球隊，搵金剛做評述員，稍後決賽會有四隊中學隊參賽，他已四出找圈中好友出席：「周秀娜會自組DJ隊，高海寧已經應承咗會到場打氣，另外我仲搵緊廖碧兒，希望愈多人愈好！」