Celia K.攞正牌球場瞄仔
o靚模近年除踩入影圈和打碟市場外，旋風更入侵體育界，o靚模陳靜三位同門師妹Mei Mei（曾善美）、Celia K.（郭穎兒）和Asa（關莉莎）早前被睇中化身本地足球Baby，攞正牌於球場內瞄靚仔型男！
o靚模陳靜三位師妹Mei Mei、Celia K.和Asa早前踩入足球界，獲本地足球隊及贊助商邀請擔任足球Baby為球隊打氣，三女對於被睇中感到非常開心，更自言跟不少男仔一樣是專業球迷，現在有機會於現場感受球賽氣氛大叫「爽」，Mei Mei說︰「入場睇波好刺激，而且我都好鍾意做啦啦隊，好投入咁睇一場波，真係睇到好肉緊。」
技癢親落場
熱愛運動的Celia K.則表示有點技癢，睇波時有意落場踢番兩腳，並笑言不會「佗衰家」，她說︰「之前都有踢過波，雖然唔係好勁，但啲球員咁有風度，實會讓我嘅。」相反Asa怕被撞親和「食波餅」，擔心美貌受損，故寧願在場邊做觀眾，她說︰「平時見到球場上球來球往，加上自己咁瘦弱，如果踢波真係有啲怕怕，自己擔心受傷。」
樂做啦啦隊
除欣賞球賽外，三女直言可到球場乘機瞄仔，經常在觀眾席上討論「瞄仔經」，並且細聲講大聲笑。對於成為球隊啦啦隊後一次可滿足多個願望，她們非常開心，並不忘感謝球隊和贊助商Play Station的賞識，Celia K.更笑說︰「今次成為啦啦隊好榮幸，感謝對我哋信任，希望可以再同贊助商有其他合作。」
文︰專案組
攝︰吳文聰
鳴謝︰Play Station