陳偉洪恨演消防員
藝人陳偉洪（Calvin）於09年參加香港先生，當時只得18歲的他更奪得少年組冠軍，因而開展他的星途，當中最為人熟悉的便是《點解阿sir係阿sir》演「蔣進」一角！Calvin表示：「希望未來可以接拍多啲劇集，可以得到觀眾認同，我就會好開心。」他最希望是嘗試消防員的角色，實踐兒時的夢想。
Calvin高大威猛，充滿陽光氣息，深受女性歡迎。問他有甚麼冧女招數時，Calvin立即自認是怕羞仔，並說：「冧女招數真係冇乜，不過諗起中學參加班際比賽時，有啲師姐會嚟睇我比賽，佢哋又會整嘢食擺喺我locker。」