徐靖雯祝福嘉穎新戀情

模特兒徐靖雯（Jenny）及李曼筠昨日出席apm「蘇飛夢幻樂園」活動時，談及前緋聞男友鄭嘉穎被傳與劉心悠撻着，Jenny指香港人生活節奏快，笑言：「係咩？我跟唔到速度，新聞過得太快。（覺得佢花心？）唔會，八卦新聞都係娛樂大家，（即係唔信？）唔係，當事人否認嘛，（佢未答架。）咁希望大家畀多啲私人空間佢，如果係真會祝福佢。」問與歌手男友周子揚感情生活如何？她表示：「幾開心，（幾時結婚？）呢啲問題答唔到，順其自然啦。」她又透露男友「牛一」將近，已買好禮物，預備給他一個難忘生日。