諸葛紫岐唔當法拉一家人

諸葛紫岐（Marie）昨日身穿性感Deep V長裙出席婚後首個活動，透露裙子是老公薛嘉麟所贈的禮物，還指老公對她的性感打扮沒多加意見。問到對榮升「薛王妃」可否習慣？她受落地笑說：「仲係好開心，好感動。（嗰日好攰？）嗰日由朝到晚，好開心，有好多賓客，但有精神緊張，返到屋企好攰。（咁咪錯過洞房花燭夜？）唔緊要啦，（日後大把機會？）哈哈。（咁快開工唔做少奶奶？）老公要返工，我都要勤力啲，（幫老公做生意？）我唔識，鍾意見到你哋（記者）多啲。」

Marie手上戴上勁閃的戒指，未知是否也是老公所送？	放大圖片	Marie與法拉屢傳不和，Marie結婚當晚四人難得合照。

未拆法拉禮物

此外，當提及「妯娌」陳法拉之前透露送了「一對東西」給她，問到是甚麼時，她就表示收到太多禮物，還未有空整理。至於婚後跟法拉是否成為一家人？她則避忌說：「唔好講花邊嘢。（奶奶Order你哋要好好相處？）奶奶好錫我哋，要開心。（婚後同奶奶、法拉佢哋一齊住？）同我老公住。（傳聞話你結婚當日斟茶畀法拉，一斟泯恩仇？）老人家話唔使斟畀平輩，所以我只係斟畀老人家。」

想生夠十一個

Marie又指自己現時多了「人妻」身份：「老公會叫我老婆，多咗個名，朋友親人又會話我大個女。」問到想不想擁有「媽媽」身份？她就坦言：「梗係想啦！係一個福分。（生隊足球隊？）如果我生到都OK，（唔怕變黃面婆？）我好鍾意小朋友，鍾意熱鬧開心。」另外，有傳聞指Marie的媽媽名叫蘇英，是北京大官，所以Marie擺酒當晚，有不少猛人到賀，但她透過電話回覆本報，指自己不想回應有關家人的問題。

文：名人組