做歌手一年冇收入 連詩雅慳錢麵包醫肚
連詩雅（Shiga）、4位Dear Jane成員日前應新城DJ路芙及李國能到高級餐廳邊食邊做訪問，新城高層朱明銳亦是座上客。當5人看見枱上擺滿龍蝦、金目鯛及雞泡魚刺身、非洲生蠔、牛扒等豐富美食時，感動說：「好耐冇食過咁多貴嘢。」問Shiga是否捨得食貴價餐？她坦言：「做歌手只係表面風光，我啱啱入行時，試過整整1年冇收入，生活費都係靠以前做model嘅儲蓄。」她自感人已大，不應再向父母做「伸手黨」，故多年來都寧節衣縮食，平日以電車、港鐵代步，每天只食3個腸仔包充飢，她還說：「只會食5蚊一個嗰啲包，（食包都飽？）飽架啦，我覺得好好食。」
畀人認同唔覺係捱
有謂藝人需要置裝、買化妝品，哪錢何來？Shiga感恩說幸好入行時，已得到不少商戶贊助，平日開工有保母車坐，就算和朋友出外食飯，朋友也樂意作東請客，加上她和家人同住，故生活不成問題。問她可覺過得很苦？她又笑住說不覺苦，有時慳足一星期，就夠錢和朋友「AA制」食一餐較好，有感現時工作不停，亦有機會出碟圓歌手夢，令她覺得：「畀人認同，好有滿足感，所以唔覺得係捱。」
Dear Jane夾band會發達
至於Dear Jane主音Tim有傳是富家子，他坦承沒有家庭責任，但生活絕不奢侈，每月只花3千元生活費。雖然幕後工作不斷，可是他們將所有收入投資在錄音室上，故自言都是「窮band仔」一族，而成員Jackal則說：「我同Tim講過，如果佢結婚，我要變賣樂器先有錢做人情。」哪Tim認同「夾band就要捱窮」？他卻唱反調：「我哋應該諗夾band都會發達，咁先有正能量嘛。」
場地：CAFE CAPE