閔大人 King 巨聲歌手變醫生
當巨聲幫謝東閔（閔大人）、林景程（King）及前港姐趙希洛（Candice）站在一起，立即變成一個「嬲」，但原來他們私下是非常好朋友！早前他們於劇集一同飾演實習醫生，笑言最難忘是玩麻鷹捉雞仔。而Candice又大爆自己誤將泌尿科讀成「咇尿科」，非常惹笑！
而問唱歌出身的閔大人和King走去拍戲，會否感到落差？二人反而覺得演戲和唱歌可以相輔相成，閔大人說：「演完戲之後，我對於唱歌嘅情感進步咗，因為唱歌係用聲感動人，而演戲係用對白同動作感動人，所以兩者係好相似！」而King又說：「唱歌講拍子，但其實講對白都要講節奏，基本上唱歌嘅技巧可以運用番落去！」