陳敏之自我催眠靚絕冧仔
陳敏之貴為「索腿天后」，在劇集扮演一代尤物「夏迎春」，為令舉手投足有傾國傾城之美，她以催眠方法代入角色，但在連場在水中大騷招牌美腿，卻因浸水太久，索腿也皺晒皮。
向來性格男仔頭的陳敏之，言行舉止都予人爽朗感覺，要她演繹溫柔角色甚高難度。敏之於劇集《東宮西略》扮演一代尤物「夏迎春」，原來她以催眠自己的方法來投入角色，敏之說：「每次開工之前我都會話畀自己聽，自己係全世界最靚嘅，不停咁催眠自己！嗰種靚係要靚到男人見到暈晒大浪，自然就會流露出自信，令自己容易投入角色。」
浸浴兩個鐘熱到暈低
戲內敏之與郭晉安有多場出浴鏡頭，拍攝時是冬天，雖有熱水侍侯，但卻有苦自己知！她說：「拍戲一浸就一、兩個鐘，除咗差啲熱到暈低，仲浸到對腳皺晒皮。戲裏面仲有唔少晒美腿鏡頭，希望出街睇唔到皺晒皮啦！」
敏之去年憑劇集《怒火街頭》奪得「最佳女配角」獎，今次演的是喜劇，兩部戲難度各有不同，她說：「兩套戲嚟講，今次演喜劇難度其實仲高，因為喜劇搞笑嘅節奏好難掌握，開工嘅時候都要向安仔偷師。」榮登「最佳女配角」後，敏之身價當然水漲船高：「攞獎之後都多咗啲登台騷，酬勞亦增加咗。」
場地：EL CID 西班牙餐廳
服裝：Miss Sixty 鞋：avenes 化妝：Jessica Chan
髮型：Jerry＠HAiR（銅鑼灣）
文：影視組 攝：劉智源