楊汀汀扮傻婆釋放自己

踏入龍年不久，o靚模楊汀叮已滿腹大計，未知是否見師姐Angelababy在影壇成績斐然，汀叮希望新一年亦能在影壇有所作為。為了實踐理想，汀叮早前專誠找前輩張達明拜師學藝：「我本身好內向，以前公司叫我試鏡會耍手擰頭，因為好怕面對鏡頭。但張達明就教我哋要放開，佢成日要我哋喺好多人面前做好低能嘅動作，例如擰嚟擰去、扮傻婆、趴喺地度碌嚟碌去，等我哋可以釋放自己。」

唔知點喊

汀叮又指演戲最難的是哭戲，就連Baby亦為之大感頭痛：「我同Baby傾開電話，發現大家演戲嘅樽頸位都係唔知點喊，我估係因為我哋性格太正面，亦唔鍾意喺人哋面前喊。」汀叮透露Baby最愛用化了特技妝的照片整蠱她們：「佢成日拎啲爛頭、損手損腳嘅相畀我哋睇，等我哋擔心一輪，真係大整蠱。雖然Baby好男仔頭，但佢拍跳幾層樓高嘅戲都會好驚，佢話最慘仲要喺鏡頭前扮型。」

撞見發哥

談到將來若拍戲最想與誰合作，汀叮笑言是古天樂，皆因夠靚仔！另外周潤發也是她希望能合作的前輩：「我未入行前喺地鐵撞見過發哥，我記得佢睇緊報紙，當時所有人都好震驚點解發哥會搭地鐵，個個係咁望住。但發哥依然好nice，全程都笑笑口。」汀叮又笑指由於當時太緊張，不敢找發哥簽名，現在回想起都還有點呻笨呢！

文：影視組