阿倫勉關楚耀重建信心

Kelvin表示跟阿倫有莫大淵緣，出道之初Kelvin曾被人指貌似契爺，阿倫笑說；「你阿媽佗住你嗰時，話要對住最靚仔嘅歌手，生咗你出來真係有啲驚，因為真係有啲似，驚好難解釋。」為答謝契爺對他的照顧，Kelvin親自下廚一道椰汁焗葡國雞飯作為謝師宴，不容有失的Kelvin在家中先後試整了七次，他笑說；「我食足七餐葡國雞飯。」

阿倫說自己除違禁品乜都食，關楚耀收到未？

契仔親自下廚，阿倫乘機再訓話。

嘲笑冇鬼用

面對住契爺，Kelvin不單恭敬，當日他為nowTV錄影其主持的《關仁煮事》，更是緊張得連菜名都噏錯做焗豬扒飯，笑爆全場，他承認錄影以來面對契爺最為緊張，阿倫即嘲笑他：「冇鬼用。」好食的阿倫在圈中有「食物焚化爐」之稱，Kelvin問他：「最鍾意食咩？」阿倫即乘機教誨他說：「我乜都食，除咗違禁品！」Kelvin連忙點頭透晒大氣。

金鐘罩護身

睇住Kelvin入行的阿倫，對Kelvin曾因在日本涉嫌藏毒出事，他勉勵契仔要讓歌迷、觀眾重新感受到他對音樂的誠意及認同，他說：「做人要有信心，以前有過、失去過嘅，當機會再來時要好好把握，唔好聽閒言閒語，好似有金鐘罩喺身，只管做好自己，恆之以久，用時間來證明畀大家睇。」入行六年的Kelvin明白娛樂圈競爭大，他清楚自己的目標及方向。

文：音樂組　攝：司徒國榮