鞏俐送波餅 尼古拉斯卜卜跳

【韋芷茵上海直擊】兩大國際影星尼古拉斯基治和鞏俐昨午現身上海一廣場，為品牌萬寶龍擔任新店剪綵嘉賓，為隆重其事，大會在戶外舉行剪綵活動，吸引過百名記者採訪，雖然當地天氣只得七度，但鞏俐無懼寒風，身穿低胸tube dress上陣，艷壓全場，更冧暈首次碰面的尼古拉斯，兩人在台上四目交投，言談甚歡。

睇錶愈貼愈埋

鞏俐手翹尼古拉斯上台，與一眾高層互相祝酒，期間有人不小心將酒杯倒瀉，身旁的尼古拉斯和鞏俐一臉驚訝，幸而未有濕身。當兩人定過神來，又再互送高帽，鞏俐先表示今次是為了尼古拉斯而來，而尼古拉斯聽罷亦說：「見到鞏俐好開心，剛才佢翹住我出場嘅時候，我個心卜卜跳，佢係全世界最好嘅演員之一。」被問到喜歡哪款手錶，他說：「我鍾意複雜嘅款式，愈多功能愈好。」

萬寶龍在廣場外掛上大型廣告，氣派十足。

鞏俐俯身欣賞尼古拉斯的腕錶時大派冰淇淋。

其後，二人走入店內欣賞手錶，由於尼古拉斯叫鞏俐幫眼睇錶，令女方愈貼愈埋，不經意胸壓對方，請他食波餅！

黃奕密實登場，甫士搭夠。

郭晶晶自言接觸人和事較少，比較單純。

鞏俐於晚上再次出席該品牌派對，當被問到曾傳緋聞的張藝謀近日傳隱婚和私生子女，她即扮作聽不明說：「誰？」其後被工作人員要求停止提問。

晶晶享受生活

至於同場的郭晶晶、黃奕和馮紹峰等原本行紅地氈入場，但當時突然下雨而取消，全身黑色打扮的晶晶手戴粉紅色手鏈，問她是否小女人？她說：「都唔小喇，我運動隊出身，接觸的人和事好少，比較單純。（現在生活快樂嗎？）快樂，很好，學習完了，現在享受生活！」