身為豪仔父親的李家鼎聞得楊思琦返港後，初時他只說：「都係嗰句，祝BB身體健康、快高長大，（仲有冇嬲思琦？）冇，事過境遷啦！（佢要同豪仔公開道歉？）我可以同佢講咩？豪仔可以同佢講咩？（你認為有冇需要？）唔知，唔識答。」當問到鼎爺假若日後在公司見到思琦，他即謂：「佢同我打招呼，我咪同佢打招呼囉！通常都係後輩同我打招呼先。（擔唔擔心豪仔撞見思琦？）唔擔心得咁多，搭飛機都會撞機！不過，個仔都講放低咗，最想可以專心工作。」