李泳豪發憤工作 再見琦情
楊思琦高調回港，惹來網友質疑她以「受害者」自居博同情，曾斷言不會復合的舊愛李泳豪昨日心情則未受影響如常工作，直言事件中誰是受害者已不再重要：「之前發生嘅事，唔想忘記都要忘記！」
於美國秘密產女的楊思琦昨日高調返港，為復出搵銀鋪足路，而遭她狠撇的李泳豪，面對舊愛回港心情未受衝擊，昨早11時許離開家門，和一名男友人到九龍城食午飯，被記者問到思琦回港，他淡然地說：「知道！今朝有記者打咗畀我。」豪仔情緒明顯未受波動，問到他會否聯絡思琦？他說：「唔會嘞！（吳帥唔見影，如果思琦回頭會否接受她？）假設性嘅問題唔答嘞。」豪仔隨後便和朋友到九龍灣多間車房傾談合作計劃。
此刻仍然無奈
思琦大陣仗回港引來網友質疑她欲以「受害者」自居博同情，豪仔對此表示：「邊個係受害者都唔重要！（想唔想思琦公開向你道歉？）唔需要啦！都過咗去，以後各有各嘅生活。之前發生嘅事，唔想忘記都要忘記，到呢一刻我都係覺得好無奈，總之依家我最重要係做好自己嘅事業，勝過講千言萬語。」
祝願堅強面對
豪仔坦言唔會再搵思琦，但會繼續送祝福：「希望佢堅強面對，兩母女展開新一頁。（佢返嚟對你心情有冇衝擊？）冇，心情冇受影響。」而豪仔隨即繼續開工，為今日出席賽車學校開幕作準備，問到新學校是否佔有股份？他說：「嚟緊有好多合作，希望有多啲方面嘅發展，各方面都有成績。」
文、攝：追蹤組