苟芸慧肩索 等晒三點式
無綫小花苟芸慧現時沒有拍拖，專心事業，工作量可謂有增無減，之前忙拍劇瘦了不少的她，日前以最佳狀態分別為「妙蓮」眼藥水拍攝平面及電視廣告。拍攝平面廣告那天，苟芸慧以多套性感服裝上陣，包括露香肩及谷胸上陣，期間分別擺出誘人甫士及笑容，現場的廣告客戶對她的表現都相當滿意。
唔介意騷身材
說到眼睛，苟芸慧坦言本身有750度近視，除了眼鏡便甚麼都看不到，她笑言：「原本我冇諗過做激光矯視，因為好多人同我講話整咗雙眼成日都會好乾，不過依家整都唔怕，因為可以滴眼藥水。」
夏日將至，又是大騷身材的時候，問苟芸慧會否以三點式行騷？她大方謂︰「唔介意，最緊要出嚟健康，唔係賣弄性感，選完華姐之後我都未接過要着比堅尼嘅工作，（身材OK？）OK，當然再瘦啲會更加好。」問她以甚麼方法減肥？她謂︰「大量女生用嚟減肥嘅方法我都試過，做機、做運動、節食都有，不過我冇試過食藥減肥。」
結婚後一定生
苟芸慧又表示最希望跟小朋友合作拍廣告，喜歡小朋友的她笑言何時生小朋友要視乎自己幾時結婚，她謂︰「我結婚後一定會生，不過我比較傳統，唔會接受結婚前生仔，（依家冇拍拖咪唔使諗住？）依家最希望有啲角色可以畀我一嘗做媽媽嘅滋味。」
文︰影視組