余翠芝做設計師出領飾
歌手余翠芝（Chita）近日榮升設計師，推出以其英文名命名的領飾系列，她說：「我之前諗住自己投資出領飾，點知即刻有公司搵我合作，令我有夢想成真嘅感覺，當我睇到『Bubies magic by Chita』個標籤時，感動到想喊呀。」日前Chita率先展示了部分製成品。
除當設計師外，另一喜訊是她將於4月推出新碟，為和歌迷分享她的設計，她打算在限量1000張唱片中，附送喱士領飾，她又說：「有黑、白兩色，但買時就唔知買中邊種色，好有抽獎嘅感覺，咁先夠好玩，（張碟會唔會賣得特別貴？）唔會，其實點計都係抵，因為領飾市面價係幾百蚊，但我隻碟只賣百幾蚊。」Chita更當模特兒示範新碟附送的領飾戴法，問她為何似襪帶？她解釋：「新碟會設計成禮物盒咁，所以我將領飾都設計成絲帶咁。」
髮型：MING LIU@04 No.8
化妝：PINK.C