鄭欣宜日前出席活動，她自爆曾和男友行街途中，有男fans捉住男友合照而冷落她，沒要求和她合照，令她感覺難受：「我知名度唔夠男友勁，我都要爭取多啲曝光，提高知名度至得，但我又覺得開心，因為男友終於闖出名堂，我以佢為傲。」
而踏入新一年，她已定下新目標，並說：「我想作多啲歌，我咁嘅樣，梗係做唱作歌手啦，唔可以行偶像派。」同時她覺得自己太少「開心歌」，故希望新一年可以唱題材較輕鬆的歌曲，待她在佳節時有歌可唱，不只限於唱苦情歌。至於在頒獎禮中和師弟許廷鏗爭新人獎，欣宜覺得和師弟沒有因獎失感情，亦沒有介意獎項是金、銀或是銅，她謂：「我有獎已經好開心啦，唔會理係咩顏色。」
