吳雨霏怕痛 拒戀老外

早前Kary應邀到三藩巿為當地「華埠小姐」競選擔任表演嘉賓，之後再飛到加拿大溫哥華，為一個學生歌唱比賽做嘉賓，久未放假的她乘機寓工作於娛樂，四處遊覽暢玩，問她在當地可有艷遇？Kary表示有金髮男對她大獻殷勤：「我去一間唱片舖搵二手CD，店內有個金髮男店員，佢不停撩我傾偈，又話幫我搵CD。」自細讀國際學校的她身邊有不少外籍朋友，她笑說：「溝通冇問題，但異地戀就咪搞，工作已經忙，仲要見唔到咪好痛苦，我唔會揀囉。」

意志力控制屙嘔

今次美加之行，令Kary水土不服，到達第一天就又屙又嘔，還要帶病表演，她說：「都驚唱唱吓歌想去廁所，好彩運用意志力頂住，演出順利。」不過落台時她則感到腳軟軟，立即飛奔酒店休息。

Kary獲金髮男獻殷勤，可惜Kary不接受異地戀。

到美加工作的Kary順道體驗當地的文化。

四圍遊覽的Kary最愛流連博物館、美術館，她說：「其實我唔係好識欣賞，但我鍾意攞住相機四圍影相。」印象最深是在館內見到一個防空洞，貪玩的她馬上捐入去「享受」一下。她又去到一間專買豪宅傢俬店閒逛，見到店內一張超級巨型梳化，她立即坐上去：「要感受吓富豪嘅生活，張梳化真係大到你唔信！」

文：音樂組