陳偉霆挑戰伊健寄情劈友

鄭伊健的蠱惑仔形象至今無人能代，然而William卻要「青出於藍」。昨日他偕詩雅、溫碧霞、譚耀文及曾國祥等，出席英皇電影《紥職》的開鏡拜禮，扮演新一代蠱惑仔的William花了兩個月時間在家中煲碟，更被安排與背景人士飯局「取經」：「餐飯要食得好恭敬，不過啲前輩都好善良，嚟緊會有大量廝殺場面，應該會好血腥，唯一麻煩嘅係每日要花兩、三粒鐘坐喺度『紋身』，仲要用辦法遮埋我自己個真（紋身）嘅。」問到William可考慮與阿Sa添「愛的印記」時，他不諱言：「我呢世都唔會再紋，尤其是依家拍戲，覺得有（紋身）好麻煩。」

阿Sa與伊健將飛到昆士蘭拍戲。	一眾演員上香祈求拍攝順利。	溫碧霞穿着性感出席拜神儀式。

刪減激烈床戲

未來日子William與女友將會各有各忙，阿Sa即將啟程往昆士蘭拍戲，問到他可會越洋探班時，想不到William一臉愕然謂：「做咩事？我真係唔知喎！（感情穩定嘛？）OK，只係想多啲講工作啫。」

至於詩雅年前接拍一些大膽裸露戲，結果一度引起情緒反應，今次她與William的床戲點到即止：「原本睇劇本都幾大膽，但導演知道我嘅問題，最後好體諒咁cut咗嗰啲戲。」而溫碧霞則性感到場，戲中扮演江湖大家姐的她，坦言以往也曾與不良分子為伴，最終因身邊好友食迷幻藥致死，才令她醒覺。

志偉6月做爺爺

另外，曾國祥透露弟弟6月將為人父，弟婦腹中塊肉證實是女嬰，令曾媽媽開心不已，而即將升格為爺爺的曾志偉更高興到相約舉家稍後往旅行。