李泳豪拒戀娛人轉嗒韓菜
去年中遭楊思琦狠撇的李泳豪，難捨舊情的癡心情長形象，令到不少合作之女藝人動容，有指與他合作拍《結‧分@謊情式》的港姐張秀文，亦向他示愛，但前車可鑑，他還是選擇和圈外韓籍模特兒展開新戀情。
楊思琦不念九年情，去年6月單方面宣布分手，對於突如其來的被撇，豪仔表現得相當癡情，一度哭崩地表示：「一個月前仲講緊結婚，真係未放得低！」繼而多番為思琦說話，直言多年感情不會嬲對方，反而是擔心更多。及至思琦力數李家的訪問出街，豪仔說：「佢對我嘅傷害已經好深，我希望佢唔好再講落去，唔好連我屋企人都傷害埋。」愛女友、錫家人的形象令到不少人動容。
輕鬆抹車蜜蜜傾
豪仔於被飛事件上的處理的確打動了不少人，據知，他隨後拍攝電視劇《拳王》，極速有女星主動追求，可惜當時仍徘徊在情傷之中的豪仔未能接受新戀情。及至近月豪仔再參與《結‧分@謊情式》拍攝，劇中和他有大量對手戲的前港姐亞軍張秀文亦主動示愛，但仍被豪仔拒絕，有指豪仔見過鬼怕黑，一來張秀文和思琦同樣是港姐出身，二來他抗拒再和圈中人相戀，故近來偷偷和一名韓國籍模特兒撻着。
對於有新戀情，豪仔大方承認並說：「依家已經準備好接受一段新戀情，如果將來拍拖一定會公開。」未知是否有新戀情滋潤，昨日爆出思琦生女，豪仔卻被目睹心情輕鬆地在停車場抹車，期間更甜蜜蜜地講電話，心情未受影響。
講緣分非受惠者
另外，被指對豪仔由憐生愛的張秀文接受電話訪問，踢爆豪仔最近心情好，她說：「大家係朋友，冇話邊個追邊個，大家都係當我傻妹，係有佢電話，但冇打過畀佢，淨係一大班人食飯，（覺得佢呢排心情點？）好開朗。（係咪見到你先開朗？）我都係從旁觀察，不過我唔係受惠者，感情係講緣分嘅，我自己都唔恨拍拖。」
文：追蹤組