徐子珊仙女散Bra 當街撈「底」
徐子珊與歐陽靖（MC Jin）昨日為新劇拍攝一場私運胸圍、底褲戲份，期間還要於街頭狼狽執Bra及底褲，子珊透露平日多數於外地買Bra，貪其款式多。而同場林峯亦拍攝槍戰戲，沒料一名伯伯路經時竟誤稱他為林海峰，及後林峯坦言不介意，還踢爆子珊也經常被人稱作徐子淇！
徐子珊、林峯、苗僑偉、MC Jin等昨日齊集佐敦為新劇《雷霆掃毒》拍攝大場面槍戰戲份，雖然子珊與MC Jin未有參與駁火，但二人的一場私運Bra及底褲戲份同樣搶鏡，因劇情講述他們私運Bra及底褲期間被捕，混亂間把載有數十個Bra及底褲的紙箱弄破，最後還要狼狽執Bra，於未埋位前，子珊與MC Jin還貪玩拿起Bra及底褲「Fing Fing吓」拍照。
事後子珊受訪時，表示平日甚少在香港買Bra，更謂︰「多數都係去外國出Trip時買，（Size啱咩？）咁買啲細啲囉！可以改嘅，咩Size都有。（怕人哋知你Size尷尬？）又唔係，選美嗰時都有度過，全世界都知。」
以笑回應唔尷尬
而林峯拍攝槍戰戲時則發生一段小插曲，於小休期間，林峯引來大批市民拍照，期間一名伯伯竟向林峯說︰「咦！你咪林海峰！」林峯聞言只以笑回應，被問到有否感尷尬？他笑謂︰「有咩出奇，之前又唔係未試過，點會尷尬，好小事啫！子珊都成日畀人叫徐子淇啦！」至於MC Jin對於NBA新星林書豪於Twitter感謝他的鼓勵，他謂︰「大家半年前透過朋友認識之後就Email聯絡，因為信仰又有共同話題，同埋首歌唔係專登寫畀佢，因為歌詞都有提過佢個名。」
文︰影視組