張敬軒Kenny偶遇撐枱腳

張敬軒昨日不避嫌疑,在微博分享與「同性密友」關智斌(Kenny)公然撐枱腳的照片,二人同樣以「四眼look」造型現身,相中還有久違的側田(阿田)、劉浩龍和唱片公司人員,軒仔形容為「中環偶遇記」。但不少心水清的歌迷猜到側田等人只是電燈膽。

記者昨日致電軒仔求證是否和Kenny撐枱腳?軒仔笑言:「撞到啫!(撞完Kenny,再撞側田佢哋?)總之撞到啦。」軒仔又指這張相片早兩星期前影,昨日有空才放上微博,當時他正在High Tea巧合遇見側田一行人,已有大半年未見阿田,難得聚頭大家傾到雞啄唔斷。至於Kenny正放假中身在外地,昨日截稿前仍未聯絡得上。