四哥發晦氣：我就嚟死嘞

霆鋒豪花250萬包下飛機及住宿，讓百餘位員工及家人入住馬來西亞的登嘉樓。旅行期間霆鋒出手相當闊綽，不但安排了十餘分鐘的煙花贈興，晚宴期間更安排「派錢」遊戲，例如鬥快飲啤酒獲贈5萬大元，「細獎」1萬元亦送出多份，務求皆大歡喜。至於被傳身患重病的四哥原來早已有潛水牌，旅行期間不時泳褲、背心落水一顯身手，謠言可謂不攻自破！

同囝囝短訊聯絡

昨午近五時，大隊結束旅程返港，霆鋒、婷婷、安志杰、四哥，及狄波拉夫婦出閘後企定定讓接機記者拍照。期間提起「重病」，四哥中氣十足，發老脾回道：「唔緊要，我都就嚟死嘞。」他更向霆鋒示意要跟拉姑車走，霆鋒抵死謂：「唔驚又話你復合呀？」霆鋒表示自己有近十年沒有陪伴家人去旅行，今次意義相當大，對於老父被傳患病，霆鋒說：「同事畀咗本書我睇，但唔想掃興，所以最終都冇揭到。」

霆鋒小休後將到內地出席商演搵人仔。

婷婷抵港即急不及待與愛犬相見。

新片押後至八月

由於今次要照顧雙親，霆鋒無暇再照顧一對囝囝，所以未有帶他們同行：「旅行期間冇打過電話畀佢哋，但有短訊聯絡，等遲啲先帶埋佢哋啦。（幾時復工？）我每日都有剪片嘅。」

據悉，霆鋒返港後還有時間小休，待月中才返內地商演，而原本他接拍郭子健關於消防員為題材的新戲計劃五月開工，但由於準備工夫需時，或會押後至八月才開拍。

文：影視組