鄭嘉穎︰做朋友都好
佘詩曼透露過往因「Timing」問題，而與鄭嘉穎未有進一步發展。鄭嘉穎有同感的說：「人係好奇怪，諗番起幾年前嘅事，時間上係有問題嘅，我明佢講咩。」雖然事情已過，阿佘與鄭嘉穎亦各有各忙，阿佘表示連相約嘉穎食飯的機會也沒有。而鄭嘉穎表示大家都需要為生活而工作，就算大家之前同在橫店工作，也抽不到時間食飯或見面，他說：「無啦，做朋友都好！」
雖然未有發展，但外間不時將二人拿在一起，「翻撻」、「屈佘」等字眼不絕於耳，鄭嘉穎承認媒體對他們有很大的影響力，他說：「周刊媒體，冇相都話你哋喺一齊，如果有相只係食吓飯，會寫到去另一個地步。大家都會避免呢啲不必要嘅傳聞，你話如果係拍拖就無所謂，如果唔係就唔抵啦。」
嘉穎指與阿佘是朋友關係，大家會電話和短訊聯絡，他說：「大家都會關心對方，問候吓依家做緊咩？」若日後「Timing」到，會否與阿佘續前緣？嘉穎坦言：「我真係答你唔到。」