李思欣澳門尋夫 腸胃炎入廠
無綫小花李思欣與老公范振鋒（Ricky）新婚甜蜜，日前Ricky到澳門公幹，愛夫情切的思欣即使身患腸胃炎，仍想探班給予老公驚喜，豈料卻生病入院！思欣表示：「我本來諗住腸胃炎好轉，想過澳門探班畀驚喜老公，點知一上船就作嘔、肚屙仲全身無力，嗰一個鐘船程真係好難捱！」Ricky肉緊表示：「思欣一見到我就即刻話好暈、頂唔順，我即刻送佢返酒店休息，點知佢瞓瞓吓就發高燒、標冷汗、仲成個人震晒！」
增肥準備生B
Ricky發現事態嚴重後即送思欣入院，Ricky表示：「思欣血壓一度跌至80幾、40幾，5個醫生輪住睇佢，仲吊咗十幾個鐘頭鹽水！」思欣甜蜜回應：「嗰晚Ricky寸步不離喺我身邊、畀個膊頭我挨住，搞到佢都差啲病，但諗番都好sweet！」病至只有90磅「唔夠秤」的思欣，自爆有意生B：「我依家一日食5餐積極增肥、又飲中藥，除咗想上鏡靚啲外，都想調理好身體，準備兩、三年後生BB！」
文：李佩珊