莊思敏畀十萬親近GaGa
模特兒莊思敏（Jacquelin）與林莉，藝人陳霽平及設計師丘雪祺，昨日出席護膚及化妝品牌活動，大談化妝心得。Jacquelin表示平時不用開工時甚少化妝，但亦不想以真面目見人，所以必定會搽遮瑕粉底：「如果好嘅粉底，可以呃到人，特別係男士，因為佢哋對化妝冇乜研究，試過好幾次搽咗好薄嘅粉底，睇落好似完全冇化妝咁，跟住啲人就會讚你皮膚好靚，個樣好精神。」
另外她表示是Lady GaGa超級粉絲，到現在還未有撲到飛，但她有可能與GaGa做訪問：「梁思浩話嗰邊要求要有一百個保安，費用要十萬蚊，條數唔知邊個畀，如果佢問我，我都會畀，因為可以近距離接觸GaGa。」