樂基兒享受生活宣布封騷

久未露面的Gaile，昨日出席首飾品牌活動，穿上四吋高斗零踭高跟鞋的她，大晒苗條身段，以行動證明沒有懷孕。不過她主持啟播由她為品牌拍攝的特輯影片時，電腦一度壞機，Gaile即講笑打圓場說：「玩完喇！」對於未來工作，她宣布「封騷」，她說：「我已經唔行時裝騷，將會好少見記者，除咗三月會出多啲活動，到時都有機會見吓大家嘅，五月就會搞慈善晚宴。」

並冇槽肥老公

問Gaile是否過闊太生活？她笑說：「又唔係，依家逢星期四學畫畫，其餘時間做自己嘢，享受生活，同朋友食吓晏，（有冇下廚？）成日都有煮嘢食，仲係研究中，有時都失敗，從經驗中吸取教訓。（黎明好似肥咗，係咪成日食你煮嘅嘢？）唔關事，我煮嘅嘢好清，唔肥膩。」問到特首的問題時，她笑言只懂時裝，不熟悉政治作回應。

放大圖片	現場有女模示範品牌春夏最新系列，色彩繽紛。

開始喼弗修身

對於她身形時肥時瘦，經常惹起懷孕傳聞，她承認自己身體非常極端，是個易肥易瘦的人，直言現在開始keep fit修身，她說：「唔好冬天又食咁多，夏天又食咁多囉。依家開始keep番，我有做運動同夜晚食少啲澱粉質。」她表示自己同時有跑步及玩瑜伽，雙管齊下的努力，不久將來能回復最fit狀態。對於曾傳她流產一事，她表示已司空見慣，指傳聞不是真，而黎明亦從不看八卦新聞。

文：名人組