千嬅回首：任性霸道好大鑊

以前我是任性，依家就知性，依家的我是最幸福、最識得了解同包容對方。遇到一個啱的人會有好多火花，他影響到我好多想法，回望以前走過的路，好多事都會釋懷，以前自己都幾「大鑊」，那種任性、霸道同佔有欲都是一種傷害性。

不過，今日我會識得處理，明白到不一定是別人問題，原來自己都有好多問題，我都appreciate（感激）過去發生過的經歷，先有今日豐富的自信心。

我從來沒想過認識一個細過自己的人，我覺得兩個人一齊是整定的，老公畀我的生命力、動力好強。我不可以畀人控制。有些男人會調校一下自己老婆，但我同老公互相有來有往，他好細心，相反我好大意，但我哋就是能夠溝通、互補不足。

錯怪老公 知衰收皮

當你喜歡或愛一個人，他做小小事都可以好感動，好似他是早睡早起的人，每晚臨瞓前他會執定第二朝要着的衫褲鞋襪，排好整齊放在床尾，如果第二朝他去跑步，甚至會着住跑步衫上床瞓，有日我忍不住說：「你唔好成日咁師奶啦，你做咩呀，着埋對襪瞓呀！」他望住我說：「我係唔想第二朝開衣櫃嘈醒你咋。」當下我即刻不出聲，心裏覺得自己好衰，知他為我着想先會這樣做，所以他一出聲我就收皮，因為我尊重他，以前畀着我點會咁，以我性格唔鬧你九條街咩！

口述：楊千嬅

筆錄：音樂組