周秀娜唔錫身做女騎士
周秀娜昨日出席活動時透露已報考電單車牌，因這次是為拍戲而學，所以一定要考到。她說：「我細個時成日坐媽咪電單車陪佢去買嘢。（佢擔唔擔心你學？）唔擔心，媽咪叫我考到電單車牌之後要兜番佢一轉。（驚唔驚會受傷？）拍戲有意外在所難免，我希望動作場面都可以親身上陣。（買重保險？）相信劇組會買。」
她又謂想學演技，大讚出爐奧斯卡影后梅麗史翠普相隔廿九年後再奪影后演技精湛。至於覺得自己演技如何，她說：「以前唔敢睇，會有啲尷尬，但後嚟跟老師學演技就要睇番。身邊同事、朋友都話我一部好過一部，我睇番自己做戲就打冷震。」而她目前最想演慘情角色，因別人都覺得她很硬朗，其實她也想人照顧一下，她與男友一起時都是她照顧男友多。