搞笑達人王祖藍昨日到灣仔出席活動，跟中學生分享擔任領袖的心得。祖藍透露在中學時間曾任班長，惟因「寸寸貢」及權力鬥爭而慘變「獨孤精」。對於視帝鄭嘉穎前晚宣布加盟英皇，祖藍笑言對增添一名無綫經理人合約加英皇唱片合約的同門感興奮：「好開心又多個『混血兒』！我要嘉穎叫我做師兄o架！（傳林峯阻佢『入門』？）傻啦！英皇簽咗我返嚟又唔賣碟，依家簽嘉穎返嚟『補數』，我個心都安樂啲。」並笑指嘉穎、林峯與謝霆鋒定能替公司「chok」勻東南西北。
