祖兒屈「基」捐5萬
古巨基、謝霆鋒、容祖兒前晚聯同一眾同門師弟妹出席英皇春茗，整晚高潮所在是壓軸大抽獎，英皇老闆楊受成及成龍帶頭各捐十萬，身為一哥一姐的古巨基、容祖兒和蔡卓妍（阿Sa）亦不能幸免要進貢，祖兒和阿Sa各掏腰包捐一萬，更擺基仔上台指他是英皇一哥搵得最多錢，屈基仔捐五萬，兩人還笑言：「係咪要問過Lorriane（基仔緋聞女友）？」基仔亦不示弱反問阿Sa：「咁你係咪要問William？」最搞笑是經理人霍汶希（Mani）衝上台幫基仔解圍說：「係『唔』捐，捐一萬啦！」祖兒即笑Mani又不是Lorriane不能代基仔話事。
基仔見三個女人你一言我一語忍不住說：「好嘈呀，好怕女人嘈，女人嘈我就亂啦，捐五萬啦！」基仔這位「疏爽一哥」金口一出即換來全場興奮起哄。至於霆鋒和林峯未留到大抽獎已離開，荷包力保不失。
