Tom囝囝嘈慣太靜會喊
樂隊Mr.前晚錄影亞視節目，剛為人父的成員Tom表示囝囝出世頭兩日都很乖，但第三日開始喊爆，令他手足無措，但他自言湊仔技巧OK：「我識開奶、換片，係唔敢幫BB沖涼，驚凍親佢，不過前兩日換尿片時畀BB射中手。」他表示老婆大肚時有睇騷，未知是否「嘈慣」，反而靜下來時BB才會喊。
此外，Tom昨日出席Band Show時透露已為囝囝起名杜卓霖（Jasper），問到兄弟們會否幫手湊？Dash自言有湊仔經驗可幫手，Ronny則被取笑有鬍鬚會嚇親BB。而MJ被問到舊愛卓韻芝最近夜夜精彩，他說：「我就低調啲，音樂上精彩囉！」