龐錢景峰喜獲女友撲飛相贈
龐郭秀雲與兒子龐錢景峰出席慈善餐舞會，對Lady GaGa將在港開騷掀起撲飛熱潮，景峰開心表示女友在英國為他買了四張飛：「我都唔知佢點解買到，佢畀我同家姐去睇，而佢復活節會返香港，到時家姐一定會攬住佢嚟錫。（點報答？）請佢食飯，佢唔重視物質，送公仔開心過送衫。」而問到前女友Mia與足球員傳緋聞？他為對方澄清說：「嗰個唔係佢男友，以我所知佢有男友，之前仲去咗海南玩。（Mia同你講？）我同佢冇傾過偈兩年幾，唔使佢講我都知。」
另外，諸葛紫岐（Marie）與未來老公薛嘉麟手拖手出席，她表示婚禮籌備得如火如荼，早前亦在港影了婚紗照，換了多款禮服，花了八個小時拍攝。現場所見薛嘉麟瘦了一個碼，Marie亦認同，表示他是健康式減肥，並不是地獄式，又透露並沒有因婚禮將至而失眠，薛嘉麟亦說：「咁開心嘅事，瞓都瞓得好啲。」
