虞茱迪靠開心養生
代理了不少手袋、時裝品牌的名媛虞茱迪（Judy）近期不時飛歐洲，表示3月又要到巴黎及米蘭睇騷，到時順道找新牌子研究可否引入香港代理，她說：「歐洲不景氣，有唔少手袋、衣着品牌都主動聯絡搵我代理，但我會睇定啲先，因為要CARRY一隻牌子唔係易事，事先要做足功課，而且timing好重要。」
Judy又謂現最着重養生之道，她說：「最緊要開心，心境開朗，就樣樣都好，另外飲食亦好重要，要視乎個人體質，我早前先發現原來我對蘋果有敏感。」繼又指最近常有留意中醫書，想多了解中醫常識，又經常做運動健身。