王梓軒練武備戰音樂會
歌手王梓軒昨日到電台宣傳新歌《兩人三腳》，此曲由方大同所寫，是梓軒的第一首國語派台歌，主題是情人節。問此曲如此甜蜜，是否近日有拖拍？他說：「我都冇拍拖，咁先要用歌嚟補償吓。（唔搵個人補償？）我要去內地、日本做嘢，都冇機會遇到。」他透露新碟除方大同外，更與張敬軒合作。
梓軒八月將開音樂會，正積極學詠春、洪拳keep fit，拳頭更打到受傷，而學武亦是準備拍打戲。問他可會在騷上展示肌肉？他說：「可能打大鼓會露上身。（辣身舞？）預咗啦！（會唔會搵嘉賓跳？）想搵莫文蔚、張敬軒做嘉賓，但好似唔適合跳。」