唐寧下半年復出拍劇

童星出身的女藝人唐寧昨日穿露背裝接受甘國亮節目《亞視百人》的訪問，她笑言勾起不少回憶：「諗番起好多嘢，原來我連靈異節目都做過！」她又透露11個月大的囝囝表情多多，甚有演藝天分：「佢都幾乖唔算難湊，最近開始心急學企，我唔會縱佢，見到佢喊都唔會即刻衝埋去。」她表示不想放棄演藝事業，下半年將會再拍劇，並笑言不會逼老公畀家用，因兩人財政獨立。提到租住的大埔村屋疑有僭建天台溫室，她表示與業主感情好，會配合對方是否清拆的決定。