文頌嫻未婚不設防隨時大肚

將於3月嫁給圈外男友Jason的文頌嫻（文女），早前與Jason在香港及澳門取景拍攝婚紗照，向來纖瘦的文女為影出來效果較豐滿，專登增肥五磅。文女透露本打算到馬爾代夫蜜月兼拍攝多一輯婚紗照，但因當地政局不穩而改變計劃。
文頌嫻與Jason在港澳取景拍攝婚紗照。
文頌嫻與Jason在港澳取景拍攝婚紗照。

談到生育大計，文女坦言：「我哋去年底計劃結婚已開始不設防，我喺心理同生理方面已經做好做媽咪嘅準備，至於生仔生女都無所謂，最緊要BB健康！不過，老公鍾意仔，我就鍾意女，所以最好生一仔一女啦。」

文頌嫻早已準備好做媽媽。
  • 文頌嫻早已準備好做媽媽。