江若琳聞阿牛失婚：唔關我事
江若琳（Elanne）去年諸事不利堪稱「地獄黑仔后」，新一年終於除名，新片在馬來西亞上映即成票房之冠，不過男主角阿牛（陳慶祥）卻宣告「失婚」，Elanne聞言手打「大交叉」說：「唔關我事o架！」
Elanne前晚為電影《結婚那件事》到馬來西亞，與男主角兼當地歌手阿牛出席慶功宴及謝票活動後，昨日Elanne已身在香港出席電台訪問。她透露電影在當地上映一周票房超過200萬（約513萬港元）成票房冠軍，令她大感開心，導演更有意原班人馬開拍續集。不過，談到阿牛在慶功宴上承認與台灣太太已離婚數年一事，Elanne坦言：「都係聽佢講先知，有安慰佢，相信佢會處理到。」她謂拍戲時不覺阿牛有異樣。提到戲中兩人有床上戲，莫非阿牛老婆因此睇到「眼火爆」？Elanne即雙手作交叉狀大呼：「絕對唔關我事！」
身家暴漲等買樓
新片取得好成績，Elanne最開心是不用再做「地獄黑仔后」，而她去年拍了四部電影和一部劇集，今年算是「收成年」。談到Elanne當年銀行戶口只得數十元，現已變小富婆，去年曾表示想買樓的她謂：「仲等緊樓價再跌，目標係五、六百萬嘅樓盤，（首期都要過百萬，身家相信已過千萬？）唔係啦，捱咗幾年儲番嚟o架，希望捱多兩年能夠夠錢買樓送給父母。」
難離難捨難公開
另外，阿牛前晚在慶功宴上表示一直未有向外公布離婚一事，是因連他自己都接受不到這個事實：「之前不敢說，因真的很難開口，不知道怎樣說，畢竟是很大件事。」阿牛指前妻已返回台灣居住，間中會回馬來西亞探望女兒。
文：音樂組