金剛(目及)實 女神冇走光
傳冧爆蔡慧欣的金剛，亦是《五覺大戰》主持之一，今次「女神」被糟質，金剛原來一早「(目及)實」，他在電話回應說有睇過段片，她有打底並沒有走光。會否心痛？他說：「佢唔會好痛啫，因為嘉樂仔好專業，會保護佢嘅。雖然我哋係好朋友，但走去話保護佢，好恐怖喎！佢都冇事我又點會心痛呢？呢啲碰撞搭港鐵都有啦。」
另金剛前晚與「新歡」小儀及「舊愛」張嘉兒同場錄影節目，非常風騷，嘉兒說毫不尷尬，更笑指小儀接她棒：「我同金剛傳咗兩年緋聞，都冇人搵我哋情侶檔，可能說服力唔夠！希望新緋聞嘅小儀可以同我share吓啲job！」小儀則希望有情侶job就要收貴啲！而金剛對與小儀的緋聞大呼「好慘」，覺得會世界末日，更聲言兩個都唔揀。
